hazaaron khwaahishen aisi ki har khwaahish pe dam nikle
bahut nikle mere lekin phir bhi kam nikle
dare kyon mera qaatil kya rahega us ki gardan par
wo khoon jo chashm-e-tar se umr bhar yoon dam-ba-dam nikle
nikalna khuld se aadam ka sunte aaye the lekin
bahut be-aabru hokar tere kooche se ham nikle
bharam khul jaaye zaalim tere qaamat ki daraazi ka
agar is tarra-e-pur-pech-o-kham ka pech-o-kham nikle
kahaan maikhaane ka darwaaza Ghalib aur kahaan vaaiz
par itna jaante hain kal wo jaata tha ki ham nikle
hazaaron khwahishen aisi ke har khwahish pe dam nikle
bahut nikle mere armaan lekin phir bhi kam nikle
dil-e-nadaan tujhe hua kya hai
aakhir is dard ki dawa kya hai
ishq ne ghalib nikamma kar diya
warna hum bhi aadmi the kaam ke
ye na thi hamari qismat ke visaal-e-yaar hota
agar aur jeete rehte yahi intezaar hota
koi ummeed bar nahi aati
koi surat nazar nahi aati
hain aur bhi duniya mein sukhanwar bahut achche
kehte hain ke ghalib ka hai andaaz-e-bayaan aur