sitaron se aage jahaan aur bhi hain
abhi ke imtihaan aur bhi hain
tahi se nahin ye fazaaen
yahaan saikdon kaarwaan aur bhi hain
qana'at na kar aalam-e-rang-o-bu par
chaman aur bhi aashiyaan aur bhi hain
agar kho gaya ik nasheman to kya gham
maqaamaat-e-aah-o-fughaan aur bhi hain
tu shaaheen hai parwaaz hai kaam tera
tere saamne aasmaan aur bhi hain
khudi ko kar buland itna ke har taqdeer se pehle
khuda bande se khud puchhe bata teri raza kya hai
sitaron se aage jahaan aur bhi hain
abhi ishq ke imtihaan aur bhi hain
tu shaaheen hai parwaaz hai kaam tera
tere saamne aasmaan aur bhi hain
khol aankh zameen dekh falak dekh fazaa dekh
mashriq se ubharte hue suraj ko zara dekh
nahin tera nasheman qasr-e-sultani ke gumbad par
tu shaaheen hai basera kar pahaadon ki chattaanon mein
mohabbat mujhe un jawaanon se hai
sitaron pe jo daalte hain kamand