kabhi ae haqeeqat-e-muntazir aa libaas-e-majaaz mein
ke hazaaron sajde tadap rahe hain meri jabeen-e-niyaaz mein
tarab-aashna-e-kharosh ho tu navaa hai mehram-e-gosh ho
wo surood kya ke chhupa hua ho sukoot-e-parda-e-saaz mein
tu bacha bacha ke na rakh ise tera aaina hai wo aaina
ke shikasta ho to azeez-tar hai nigaah-e-aaina-saaz mein
dam-e-tof kirmak-e-shama ne ye kaha ke wo asar-e-kuhan
main ulajh gaya hoon usi gham-e-niyaaz mein bhi gham-e-niyaaz mein
na wo mein rahin garmiyaan na wo husn mein rahin shokhiyaan
na wo Ghaznavi mein tadap rahi na wo kham hai zulf-e-Ayaaz mein
khudi ko kar buland itna ke har taqdeer se pehle
khuda bande se khud puchhe bata teri raza kya hai
sitaron se aage jahaan aur bhi hain
abhi ishq ke imtihaan aur bhi hain
tu shaaheen hai parwaaz hai kaam tera
tere saamne aasmaan aur bhi hain
khol aankh zameen dekh falak dekh fazaa dekh
mashriq se ubharte hue suraj ko zara dekh
nahin tera nasheman qasr-e-sultani ke gumbad par
tu shaaheen hai basera kar pahaadon ki chattaanon mein
mohabbat mujhe un jawaanon se hai
sitaron pe jo daalte hain kamand