Ke Liye

ab is ke baad subah hai aur subah-e-nau Majaz

ham par hai khatm shaam-e-ghariibaan-e-lakhnau

tere maathe pe ye aanchal bahut hi khoob hai lekin

tu is aanchal se ik parcham bana leti to achchha tha

shahr ki raat aur main naashaad-o-naakaara phiroon

jagmagaati jaagti saRkon pe aawaara phiroon

ai gham-e-dil kya karoon ai vahshat-e-dil kya karoon

aaj phir dil ne machaaya hai magal kya karoon

ab mujhe koi tamanna koi hasrat bhi nahin

miT gaye dil ke nuqoosh aisi musibat bhi nahin

khoob pehchaan lo asraar hoon main

jins-e-ulfat ka talabgaar hoon main