naqsh faryaadi hai kis ki shokhi-e-tahreer ka
kaaghazi hai pairahan har paikar-e-tasveer ka
kaav-kaav-e-sakht-jaani haaye na poochh
subh karna shaam ka laana hai joo-e-sheer ka
jazba-e-be-ikhtiyaar-e-shauq dekha chaahiye
seena-e-shamsheer se baahar hai dam shamsheer ka
aagahi daam-e-shuneedan jis qadar chaahe bichhaaye
muddaa anqa hai apne aalam-e-taqreer ka
hazaaron khwahishen aisi ke har khwahish pe dam nikle
bahut nikle mere armaan lekin phir bhi kam nikle
dil-e-nadaan tujhe hua kya hai
aakhir is dard ki dawa kya hai
ishq ne ghalib nikamma kar diya
warna hum bhi aadmi the kaam ke
ye na thi hamari qismat ke visaal-e-yaar hota
agar aur jeete rehte yahi intezaar hota
koi ummeed bar nahi aati
koi surat nazar nahi aati
hain aur bhi duniya mein sukhanwar bahut achche
kehte hain ke ghalib ka hai andaaz-e-bayaan aur