aah ko chaahiye ik umr asar hone tak
kaun jeeta hai teri zulf ke sar hone tak
daam-e-har-mauj mein hai halqa-e-sad-kaam-e-nahang
dekhen kya guzre hai qatre pe guhar hone tak
aashiqi -talab aur tamanna betaab
ka kya rang karoon khoon-e-jigar hone tak
ham ne maana ki taghaaful na karoge lekin
khaak ho jaayenge ham tum ko khabar hone tak
hazaaron khwahishen aisi ke har khwahish pe dam nikle
bahut nikle mere armaan lekin phir bhi kam nikle
dil-e-nadaan tujhe hua kya hai
aakhir is dard ki dawa kya hai
ishq ne ghalib nikamma kar diya
warna hum bhi aadmi the kaam ke
ye na thi hamari qismat ke visaal-e-yaar hota
agar aur jeete rehte yahi intezaar hota
koi ummeed bar nahi aati
koi surat nazar nahi aati
hain aur bhi duniya mein sukhanwar bahut achche
kehte hain ke ghalib ka hai andaaz-e-bayaan aur