lab pe aati hai ban ke tamanna meri
shama ki surat ho khudaaya meri
duur dunya ka mere dam se andhera ho jaaye
har jagah mere chamakne se ujaala ho jaaye
ho mere dam se yoon hi mere watan ki zeenat
jis tarah phool se hoti hai chaman ki zeenat
zindagi ho meri parwaane ki surat ya rab
ilm ki shama se ho mujh ko mohabbat ya rab
khudi ko kar buland itna ke har taqdeer se pehle
khuda bande se khud puchhe bata teri raza kya hai
sitaron se aage jahaan aur bhi hain
abhi ishq ke imtihaan aur bhi hain
tu shaaheen hai parwaaz hai kaam tera
tere saamne aasmaan aur bhi hain
khol aankh zameen dekh falak dekh fazaa dekh
mashriq se ubharte hue suraj ko zara dekh
nahin tera nasheman qasr-e-sultani ke gumbad par
tu shaaheen hai basera kar pahaadon ki chattaanon mein
mohabbat mujhe un jawaanon se hai
sitaron pe jo daalte hain kamand